YUMIFM LOCAL STRINGS

Michelle Lai

4 BLORDZ & DENZ BLANTZ, Featured ARTISTS BLONG Mun October 2023

Yumi FM i sawe soim luksawe long ol Local Artist blong yumi insait long YUMIFM KAP MAUS SHOW

Disla mun October, YUMIFM i bin luksawe long kam bek blong wanpla biknem singsing gup usat i save ol kolim ol yet 4 BLORDZ, wantem wanpla niupla mangi i kam onboard wantem ol, Denz Blantz.

Disla grup 4 BLORDZ i kamap namel long popla mangi; Young D, Dr Wiz Tarvin Toune na Drex Blantz’Eh.

Ol i bin bung long 2014 we ol i bin rausim sampla ol hit singsing kain osem Bongo Party. Namel long wok bung blong ol, ol i bin pasim tok long wokim ol solo singsing blong ol yet we i lukim ol yet wan wan tu i kamapim bikpla “fan base” blong ol yet.

Namel long disla hap taim, Dr Wiz i kam long wok klostu wantem Danz Blantz, we em i wokim (produce) planty blong ol singsing blong Danz Blantz. Namel long disla hap taim ol i wok long wok solo, ol i pilim olsem em i taim now long mekim kam bek blong ol long disla yia 2023 wantem wanpla niupla memba blo group, Danz Blantz, we i lukim ol i nau senisim nem blong grup long 4 BLORDZ  i go long “4 BLORDZ  & DANZ BLANTZ” .

Lastpla taim we ol 4 Blordz yet ol i bin wokim sampla hit singsing blong ol yet em 2014 we i lukim wanpla hit singsing blong ol i bin sanap strong stret(went viral), BONGO PARTY.

Nau ol i wokim kam bek blong ol wantem niupla memba blong grup blong ol, Danz Blantz wantem niupla hit singsing blong ol Aburusim we i lukim em sidaun long top spots long ol count down.

Disla singsing “Aburusim”, Young D, em raitim disla sigsing long soim how ol yangpla blo today sa raun long pasin poroman tasol i save tanim baksait gen na taim ol i laik kam bek, em nogat moa.

Danz Blantz tu i tok aut osem disla laikim blong em long wokim music em i stap taip em bin lilklik yet ina i hamamas tru long kamap yet wanpla biknem mangi tu long PNG Msic Industry.

Na long wan kain taim, Tarvin Toune tu i wok long wokim nem blong em yet tu insait long PNG Music Industry we i lukim em tu i kamapim own crowd blong em yet na i gat luksawe stret (fanbase).

Long disla ol hap taim ol bin stap wan wan, Danz Blantz i tok strong long ol(4 BLORDZ) i mas kam bung gen. Na stret long em ol i kam gen we ol i kisim Danz Blantz osem wanpla niupla memba blong grup blong ol we ol i no moa kolim 4 BLORDZ tasol, ol i nau kolim ol yet “4 BLORDZ & DANZ BLANTZ”.

Tupla blong ol hit singsing blong ol i wok long pairap long station em ABURUSIM na PANU.

Ol i now lukluk long mekim kambek concert blong ol long November 24th 2023 we ol i bai officially tok tu long ol fans blong ol niupla memba blong grup Danz Blantz.

 

Reply

X