YUMI FM LOCAL STRINGS – Texas Allan
Wanpla bikpla mangi long music indastri blong kantri, Texas Allan i bin go hait liklik inap nau tasol yumi lukim kam bek blong en wantaim niupla singsing blong em, ” VIVIANNA” aninit long prodaksen blong DJ Manzin.
Texas i bin bungim DJ Manzin long 2018 na ol i bin paitim toktok long kamapim wanpla singsing wantem na afta popla iar, ol i kamap wantem disla singsing ” VIVIANNA” em i wanpla blong tupla singel ol i wok long en na namba 2 singel, VC BOUNCE, i bai kam aut klostu.
DJ Manzin tu ino bin mekim nois liklik long musik tasol nau em tu i wokim kam bek blong en wantem Texas Allan long displa singel blong ol Vivianna we DJ Manzin i produsim.
DJ Manzin wantem Texas Allan i gat plan long putim on wanpla bikpla so (concert) tasol ol i putim on hold. Ol i tok sapos ol i kisim gutpla bekim long ol listeners blong ol, ol i bai kamapim disla bikpla music so (concert) biksos em tok em ol listeners blong em tasol bai wokim na so (concert) i bai go het.
Lastpla taim Texas i bin rausim wanpla singsing em i bin ilevenpla (11) krismas go pinis we i lukim em brukim histri long rausim tripla albam long wanpla iya tasol we i lukim em rekim tripla awod long desla tripla singsing long 2008, 2009 na 2010 long YUMI FM Musik Awod long desla tripla iya. Wanpla hit namba blong em desla taim bin kisim “Song of the Year” awod i bin MIS KOL we i lukim em kisim ” artist of the year” awod tu.
Texas i tok em luk fowed long narapla ol musik awod long kam. tasol em i tok em olgeta yet i stap long han bilong ol fans blong en long vote na request blong ol tasol.
DJ Mazin i tok em hamamas long wok wantem wanpla biknem mangi long musik indastri blong kantri, tasol bikpla wan styret em olsem em i wok wantem wanpla man we em i harimn singsing blong em taim em i liklik mangi na kam antap. DJ Manzin i tok ol singsing blong Texas i kam wantem stail na teist blong en yet na em i wanbel strert bikos Manzin yet em i wanpla bikpla fan blong Texas Allan.
Osem so putim was long narapla singel blong ol i bai kam aut, ol i kolim long VC BOUNCE.
long lukim vidio blong interview blong em klikim https://www.youtube.com/watch?v=xMkLzdPsizQ